1. गांधार :- आज के कंधार नै कदे गांधार कहा करते।या जगाह पाकिस्तान मै रावलपिन्डी तै ले कै अफगानिस्तान ताई फैली ओड थी। ध्रतराष्ट्र की बहु गांधारी उड़े की ये थी। उड़े का राजा सुबल होया करता। मामा शकुनि भी उड़े का ये था।
2. तक्षशिला :- तक्षशिला गांधार देश की राजधानी होया करती। आजकाल रावलपिन्डी के नाम तै जाण्या जा सै। तक्षशिला नै ज्ञान अर शिक्षा की नगरी बी कहा करते।
3. केकय प्रदेश : - जम्मू -कश्मीर के उत्तरी इलाके नै महाभारत के टेम प केकय प्रदेश कहा करते। केकय प्रदेश के राजा जयसेन का ब्याह वसुदेव की भाण राधादेवी गेल होया था। उनका छोरा विन्द जरासंध दुर्योधन का ढब्बी था। महाभारत की लड़ाई मै भी विन्द कौरवां की हिमात मै था।
4. मद्र देश : - केकय प्रदेश त लागता ये था मद्र देश। एतरेय ब्राह्मण के मुताबिक, हिमालय के निडे होण के कारण मद्र देश नै उत्तर कुरू भी कहा करते। उस टेम आड़े का राजा शल्य था। जिसकी भाण माद्री का ब्याह राजा पाण्डु गेल होया था। नकुल अर सहदेव माद्री के ये बेटे थे।
5. उज्जनक : - आज के नैनीताल का नाम महाभारत टेम प उज्जनक होया करता। गुरु द्रोणचार्य आड़े कोरु अर पांडुवा नै अस्त्र शस्त्र चलावणा सिखाया करते। भीम ने आड़े ये एक शिवलिंग स्थापित करा था। जिस्से करके इस जगाह नै भीमशंकर भी कह दिया करें। आड़े भगवान शिव का भोत बड्डा मंदिर भी सै। पुरातत्व विशेषज्ञ का कहणा सै अक यो जो शिवलिंग है यो 12 ज्योतिर्लिंगा माके एक सै।
6. शिवि देश : - महाभारत काल मै पंजाब के दक्षिणी भाग नै शिवि कहा करते। आड़े का राजा उशीनर होया करता। जिसका शैव्य नाम का पोता होया करता। शैव्य की छोरी देविका का ब्याह युधिष्टर गेल होया था। शैव्य एक तगड़ा धनुसधारी था। लड़ाई मै पांडुवा की मेर मै लड्या था।
7. वाणगंगा :- या जगाह कुरुक्षेत्र ते तक़रीबन 3 किलोमीटर पड़ै सै। महाभारत की लड़ाई मै पितामह भीष्म, इस्से जगाह पै तीरां की खाट पै लुटाया था। जब भीष्म नै पाणी की तस लाग्गी त दादा ताई पाणी प्यांण नै अर्जुन नै बाण चला के धरती माकै गंगा काढ़ि थी। जया करकै इसका नाम बाणगँगा सै।
ये थे 7 नगर, अगले ब्लोग मै 7 नये नगरा के बारे मै बतावैं गे। निचे दिए ओड लिंक फॉलो करके App इनस्टॉल कर लियो अर मज़ा लियोदेशी रागणीया का 24 घण्टे नॉन-स्टॉप।
App Download Link :-
Apple : https://itunes.apple.com/au/app/radio-kasoot/id1086344819?mt=8
Android : https://play.google.com/store/apps/details?id=com.radiokasoot.www
घणा भड़िया
जवाब देंहटाएंकसूती इतिहासिक जानकारी
जवाब देंहटाएंbahut badhiya
जवाब देंहटाएंThis allowed the system to regulate the extent of payout by stopping the drums at positions it had determined. If the payout channel had crammed up, the payout grew to become more generous; if practically empty, the payout grew to become much less so . Wild symbols substitute for most different symbols within the recreation 우리카지노 , usually excluding scatter and jackpot symbols (or providing a lower prize on non-natural combos that embrace wilds).
जवाब देंहटाएं