भारत के सबतय सस्ती फीस आले कॉलेज।

भारत के सबतय सस्ती फीस आले कॉलेज: हम सबनय बेरा स अक 12 जमात पास करे पाछे कॉलेज का खर्चा घणा हो जा स। पर भारत म कई इसे कॉलेज स जड़े पीसे की नही थारे दिमाग की जरूत स।

इन कॉलेजा म घणी कम फीस स। कुनसे स वे कॉलेज थामने सारी बात आछी ढाल बतावेंगे।

इनमें भी घणी थोड़ी फीस स पर एडमिशन सहज सी ना होता।

1. सैंट स्टीफंस कॉलेज- हरयाणे क लागती भारत की राजधानी दिल्ली म स यो कॉलेज। ट्यूशन फीस स जमा 540 रपिये। पर एडमिशन की कट ऑफ म भी बालकां क पसीने आजा स।

2. हिन्दू कॉलेज-  यो भी दिल्ली यूनिवर्सिटी के धोरे सी पड़े स। इसमें भी ट्यूशन फीस स 540 रपिये। पर कट ऑफ लिस्ट म सहज सी नम्बर ना पड़ता।

3. मिराण्डा कॉलेज- यू भी दिल्ली म स। जमा एक नम्बर का कॉलेज स पढ़ाई के मामले म। अर ट्यूशन फीस बस 540 रपिये।

4. किरोड़ी मल कॉलेज- यो कॉलेज भी दिल्ली यूनिवर्सिटी के नार्थ कैंपस कानी स। इसमें भी बढ़िया पढ़ाई हो स। ट्यूशन फीस 540 रपिये।

5. श्रीराम कॉलेज ऑफ कॉमर्स- इसमें भी ट्यूशन फीस त बस 540 रपिये स पर इसमें बस कॉमर्स आले सब्जेक्ट की पढ़ाई होवे स।

और भी कॉलेज स जुकर लोयला, हंसराज कॉलेज। इनमें भी घणी थोड़ी फीस स पर एडमिशन सहज सी ना होता।

या 540 रपिये फीस ट्यूशन फीस स। बाकी और भी थोड़े पीसे कई ढाल की फीस स इनमें पर प्राइवेट कॉलेज त तो घणा कम खर्चा होवे स।

बाकी और कॉलेज म जिनमे बढ़िया पढ़ाई होवे स उनमें मरे त मरी ट्यूशन फीस 38345 के लवे धोरे पड़े स। या फीस 2018 म थी। हो सके स इबकै न किम्मे घाट बाध हो।