अनीता कुंडू हिसार लोकसभा सीट तै लड़ैगी चुनाव ?

अनीता कुंडू हिसार लोकसभा सीट तै लड़ैगी चुनाव: हरियाणा के फरीदपुर गाम के किसान परिवार की बेटी अनीता कुंडू जो अपणी कसूती मेहनत अर जोश खातर जाणी जावै सै, इबकी बार हिसार जिले तै चुनाव लडन की तयारी मै सै | सूत्र न्यू बतावै सै के भाई बी.जे.पी की औड़ तै अनीता कुंडू नै टिकट मिलण की संभावना सै | थोड़े दिन पहला ट्विटर पै प्रधानमंत्री मोदी नै अर मुख्यमंत्री खट्टर नै अनीता की तारीफ करी | ईस्तै म्हारे सुत्रां का अंदाज़ा और पक्का होगया |

अनीता कुंडू नै 7 मै तै 5 महाद्वीपां की सबतै ऊँची चोटी पै अपना तिरंगा फहरा लिया सै | 

थमनै न्यू तो बेरा ए होगा के अनीता कुंडू नै 7 मै तै 5 महाद्वीपां की सबतै ऊँची चोटी पै अपना तिरंगा फहरा लिया सै | नेपाल की एवरेस्ट तो दो पासे तै चढ़ गयी छोरी | मनै तो इस बात का भी जब बेरा लगया के एवरेस्ट नेपाल मै सै जब अनीता कुंडू की खबर आयी, पहला तो मै इसनै अपणे देश मै सोच्या करदा | ईबे अनीता कुंडू नै 2 और बड़ी चोटी फतेह करनी सै |

अनीता इस टीम हरियाणा पुलिस मै जम के काम करण लागरी सै | अनीता कुंडू घणी बढ़िया वक्ता भी सै | अपणे जोश नै स्कूल कॉलेज और भोत सारे कार्यकरमा मै जाकै नयी पीढ़ी नै जोश मै भर दे सै | हमने न्यू लागै सै के भाई इसा जोश अपणी राजनीती मै आज्या तो चाळा पाट ज्यागा |