आतंकवाद के मुद्दे पै भारत का दो टूक जवाब, करवाई करै ना तै मुश्किल मै पड़ ज्यागा पाकिस्तान !

आतंकवाद के मुद्दे पै  भारत का दो टूक जवाब: भारत ने दो टूक बात कही सै, करवाई करै ना  तै मुश्किल मै  पड़  ज्यागा पाकिस्तान। आतंकवाद पै  कारवाई नै ले कै पाकिस्तान की पोल सारी दुनिया मै  खुल गी सै ! भारत नै कही सै अक पुलवामा हमले पाछै आतंकवादीयां पै कारवाई करण का ढोंग करण लाग रया सैपाकिस्तान। भारत का कहणा सै  के जै पाकिस्तान आतंकवादियाँ पै असल मै कारवाई करणा चावै सै तै दाऊद इब्राहिम और सैयद सलाहुदीन नै महारे तै सौंप दे !

दाऊद इब्राहिम और सैयद सलाहुदीन नै भारत तै सौंप दे पाकिस्तान ! 

सरकारी सुत्रां नै कहा सै  के दाऊद अर सलाहुदीन दो इसे आतंकी सैं, जो भारत के नागरिक सै अर पाकिस्तान आले  इन ने लको  रे सैं ! 1993 मैं मुंबई में होये बम्ब धमक्या मै दाऊद दोषी सै अर भारत की पुलिस की मोस्ट वॉन्टेड लिस्ट मै सै ! दाऊद तै भारत अर अमेरीका नै देसोली (इंटरनेशनल) आतंकवादी घोषित कर राख्या सै ! दाऊद पाकिस्तान मै लुक रया सै ! अर दूसरा सलाहुदीन, आतंकी संगठन "हिज्बुल मुजाहुदीन" का सरपंच सै ! वो NRI की मोस्ट वॉन्टेड लिस्ट मैं सै ! भारत नै पहला बी कई मोस्ट वॉन्टेड  आतंकवादियाँ ने सोपंण की माँग करी थी, पर पाकिस्तान ने एक नहीं गोळी ! अमेरिका नै भी भी सलाहुदीन देसोली (International) आतंकवादी घोसित कर राख्या सै ! सलाहुदीन नै खुद भी कहा था अक उसके गिरोह नै पाकिस्तान आले मदद दे सैं !