माँ तेरे मीठे मीठे बोल,मनै घणी प्यारी लागै सै!!

माँ तेरे मीठे मीठे बोल,मनै घणी प्यारी लागै सै!! 

एक तेरी बात साच्ची,झूठी दुनिया सारी लागै सै !!

माँ तेरे मीठे मीठे बोल,मनै घणी प्यारी लागै सै!!

मैं तेरे चरण म्ह पड़य़ा रहुं,बण्या रहुं तेरा दाश री,

मनै पल-पल भारी होज्या,रहा कर मेरे पास री,

मेरा रह महकता फूल,तु फुलवारी लागै सै!!

माँ तेरे मीठे मीठे बोल,मनै घणी प्यारी लागै सै!!

पालणे म्ह झूल्या री,मेरी काया सुख पाई,

मेरे दुख दर्द  म्ह मां,तु सबते पहल्या आई,

री सबते अच्छी गोदी की,सवारी लागै सै!!

माँ तेरे मीठे मीठे बोल,मनै घणी प्यारी लागै सै!!

भगवान सी मूर्त तेरी,पूजा करूँ प्रणाम तनै,

कृष्ण कहदु विष्णु कहदु,मां कहदु राम तनै,

लक्ष्मी,पार्वती,माता री,जनक दुलारी लागै !!

माँ तेरे मीठे मीठे बोल,मनै घणी प्यारी लागै सै!!

गुरु सतबीर सेवा म्ह,करणी पड़ै खुभात मां,

सन 18 का गौरव रत्तन,आछी मिली शुरुआत मां,

प्रवीण सात्रोड कविता तेरी,करारी लागै सै !!

App Download Link :

Apple : 

https://itunes.apple.com/au/app/radio-kasoot/id1086344819?mt=8

Android :

https://play.google.com/store/apps/details?id=com.radiokasoot.www