होया जन्म जिब माहरे देश में अंग्रेजां का राज़ था
छोटे से बालक की बुद्धि पै घर कयाने भी नाज़ था
परम सेवक वो माहरे गाम का नाम उनका देशराज था
50 साल पहल्या गाम में स्टेट बैंक वो ल्याया था
1960 में गाम में उसने बड़ा हस्प्ताल बनवाया था
न्यू भी सुणी सै गाम मै इंजीनियरिंग कॉलेज वो ल्यावे था
पढ़ लिख कै सब करे तरक्की वो दिल तै न्यू चाहवे था
थी गाम की किस्मत माड़ी जो ना किसे नै उनका साथ दिया
गाम की सूरत और ऐ होती पर ना किसे नै मदद का हाथ दिया
पाले बाऊ जिसे होये गायक जिनने सारा हरियाणा जाणे सै
जै नाम बतावे हम गाम का तै पाले के गाम का कह कै पिछाण सै
रोहताश धर्मबीर होये पहलवान जो कुश्ती में आगे बढ़गे थे
करे देश में चित सारे ओलिंपिक ताहि लडगे थे
एक होया विजय दहिया जिसने क्रिकेट का बल्ला ठाया था
थोड़े ऐ दिनां में दिल्ली ने अपना कप्तान बनाया था
महनत करके पूरा करया जो कदे बचपन मै सोच्या था
हमने भी नाज होया उसपे जिब भारत की टीम मै पोहनच्या था
करो अपणा कद इतना ऊँचा के लाखां मै पिछान्या जा
कर ज्याओ कोए काम इसा के गाम थारे नाम तै जाण्या जा
जितेंद्र दहिया नाम बता द्यूं लाणी ज़रूरी छाप सै
हलालपुर सै नाम गाम का अर दहिया माहरी खाप सै
दुनिया का पहला हरियाणवी ऑनलाइन रेडियो स्टेशन - अपणी बोली अपणे गीत
भाइयो मजा आ गया रेडियो कसूत सुन क।मैं तो सारा दिन यो ए चैनल सुनु सूं।
जवाब देंहटाएंBahot Badhiya, Nu a saath bnaye rakho dosto
हटाएं