हेरी हेरी बचाले बाबुल मेरी जान।
थोड़े दिन पाछै पछ्तावैगा सारा हिंदुस्तान,
बचाले बाबुल मेरी जान।
थोड़े दिन पाछै पछ्तावैगा सारा हिंदुस्तान,
बचाले बाबुल मेरी जान।
1. बिन जामी छोरी सु बाबू मन्नै के नुक्सान करया।
खोट मेरा किम्मे कोनी तन्नै के इल्जाम धरया।
मै ल्याई सु तेरी खातर खुशियां का पैगाम भरया।
खुशियां का पैगाम खोल देख बाबू मेरे रै।
जै तू मन्नै पढावैगा हो ज्या वारे न्यारे रै।
पढ़ लिख के नै बाबू मै तो भेद खोल द्यू सारे रै।
न्यू के बाबू सोचण लागग्या, क्युं होया परेशान, बचाले ....
खोट मेरा किम्मे कोनी तन्नै के इल्जाम धरया।
मै ल्याई सु तेरी खातर खुशियां का पैगाम भरया।
खुशियां का पैगाम खोल देख बाबू मेरे रै।
जै तू मन्नै पढावैगा हो ज्या वारे न्यारे रै।
पढ़ लिख के नै बाबू मै तो भेद खोल द्यू सारे रै।
न्यू के बाबू सोचण लागग्या, क्युं होया परेशान, बचाले ....
2. आजकाल के छोरे बाबू होवै बड़े बदमाश सै।
पढ़ा द्योगे लिखा द्योगे फेर बी ना कुछ आस सै।
घर में बेटी होवै आच्छी सबनै यो विश्वास सै।
मारै जिसकी खातर बाबू उसका के भरोसा हो।
पढ़ण नै वो शहर आवै खावै इडली डोसा हो।
जिद तन्नै बेरा लाग्गैगा तन्नै आवै बहोत रोसा हो।
सोच समझ कै काम लिए, क्युँ होरया सै अंज़ान, बचाले ....
पढ़ा द्योगे लिखा द्योगे फेर बी ना कुछ आस सै।
घर में बेटी होवै आच्छी सबनै यो विश्वास सै।
मारै जिसकी खातर बाबू उसका के भरोसा हो।
पढ़ण नै वो शहर आवै खावै इडली डोसा हो।
जिद तन्नै बेरा लाग्गैगा तन्नै आवै बहोत रोसा हो।
सोच समझ कै काम लिए, क्युँ होरया सै अंज़ान, बचाले ....
3. कल्पना चावला के कारनामे देख महान।
सानिया का खेल देख लोग हो गये हैरान।
लक्ष्मी बाई के आगै दुश्मन हो गया था परेशान।
इनकी ढाला मै बी बाबू खूब नाम कमाऊंगी।
पढ़ लिख कै नै बाबू मै तो मास्टरनी बण ज्याउन्गी।
मास्टरनी बण ज्याउ सारे देश नै पढ़ाऊंगी।
मारै मत न्या, ठाणा पड़ैगा ब्होत घणा नुक्सान, बचाले ....
सानिया का खेल देख लोग हो गये हैरान।
लक्ष्मी बाई के आगै दुश्मन हो गया था परेशान।
इनकी ढाला मै बी बाबू खूब नाम कमाऊंगी।
पढ़ लिख कै नै बाबू मै तो मास्टरनी बण ज्याउन्गी।
मास्टरनी बण ज्याउ सारे देश नै पढ़ाऊंगी।
मारै मत न्या, ठाणा पड़ैगा ब्होत घणा नुक्सान, बचाले ....
4. छोरी बिना देश सारा रैह ज्यागा कुंवारा रै।
पढ्या लिख्या कुंवारा छोरा हांडे मारया मारया रै।
देश मै नुकसान होवैगा ब्होत घणा सारा रै।
रिश्ते आले हांडै बाबू अपणा छोरा ब्यावहण नै।
ना पावैगी एक बी छोरी बहु बना के ल्यावण नै।
न पावैगा सुभाष धोरै छंद बना के गावण नै।
भ्रूण हत्या ना कर पापी, ना काढ़ै मेरी जान, बचाले बाबुल मेरी जान। ....
पढ्या लिख्या कुंवारा छोरा हांडे मारया मारया रै।
देश मै नुकसान होवैगा ब्होत घणा सारा रै।
रिश्ते आले हांडै बाबू अपणा छोरा ब्यावहण नै।
ना पावैगी एक बी छोरी बहु बना के ल्यावण नै।
न पावैगा सुभाष धोरै छंद बना के गावण नै।
भ्रूण हत्या ना कर पापी, ना काढ़ै मेरी जान, बचाले बाबुल मेरी जान। ....
टिप्पणियाँ
एक टिप्पणी भेजें