इबकै आली गर्मी तै सावधान, मौसम वैज्ञानिको नै कही सै।
मौसम वैज्ञानिका ने या बात बताई स अक इस साल दिल्ली के लवे धोरे क लागदे लागदे पंजाब, हिमाचल प्रदेश, उत्तराखंड, दिल्ली, हरियाणा, राजस्थान, यूपी में कसूती गर्मी पड़ेगी. जिसके कारण (लू) से पूरा हरियाणा दुखी रहवेगा.
अप्रैल की शुरु म ए पड़ रहे करड़े घाम इब और घणा काल करेगा. इस महीने में लू की गेल्या गेल तापमान बढ़ण की की भी कह रे स। भारतीय के मौसम विभाग ने आण आले तीन मीनोा म लू चालण की कह दी स. मौसम विभाग की माना तो अप्रैल के आखर त ए तापमान 45 डिग्री सेल्सियस के पार पहुंच जावेगा. कुल मिला क इसा लागे स इबके गर्मी माणसा की गेंठ बाँधेगी
इस महीने में लू की गेल्या गेल तापमान बढ़ण की की भी कह रे स।
माणस जमा गीजाईया की डाल लोचेंगे।मौसम वैज्ञानिका ने जमा थोक बजा क कही स अक इस साल दिल्ली-एनसीआर के गेल गेल पंजाब, हिमाचल प्रदेश, उत्तराखंड, दिल्ली, हरियाणा, राजस्थान, उत्तर प्रदेश में भीषण गर्मी पड़ेगी. (लू) ते पूरा हरियाणा दुखी रहवेगा. बतावे तो नू स अक इस बार अल नीनो के प्रभाव त गर्मी तेज पड़ेगी. हरयाण् के कई इलाका में अप्रैल शुरु म ए तापमान घणा बढ़ रया स. जो मई क आंदे-आंदे कई साल के रिकॉर्ड तोड़ेगा.
बताया तो नू स अक जम्मू कश्मीर के धोरे बणे वेस्टर्न डिस्टरबेंस और उत्तरी राजस्थान और इसके लागदे हरियाणा प बने एक चक्रवती समाणे के कारण दिल्ली अर लवे धोरे के मौसम में यो बदलाव होया था पर इब यो सिस्टम पूर्वी दिशा में आगे
बडण लाग रया स. 3 अप्रैल त तापमान में लगाकार बढोतरी होण लाग री स . अर या एक बार हटके 36 से 38 डिग्री के बीच म पोच जावेगा।
रेडियो कसूत की टीम की सारे हरियाणा आल्या त एक ए सलाह स के इस गर्मी त आपणे बालक और पशू, बुढया ने बचाके राखीयो खाण पीण का ध्यान राखीयो।घाम त बच क रहियो ताती लू त बच क रहियो
और भाई पाणी पीण प जोर राखीयो।
म्हारी सारी टीम थारे खुश स्वास्थय की कामना करे स।
इबकै आली गर्मी तै सावधान, मौसम वैज्ञानिको नै कही सै।
टिप्पणियाँ
एक टिप्पणी भेजें